Kime feyzin olan fâiz ana keşf olur her ğamız
Ne şer olur ana ârız ne hod darr Ya Rasulallah
Kim ola aşk ile mazbut olur kalbi sana merbut
İder kalbin gül-i mebsut mu'attar Ya Rasulallah
Şekavetten olup mahfuz sa'âdetle olur mahzuz
Olup şâyeste-i melhuz o manzar Ya Rasulallah
Harim-i vaslına mâni olur mu bu dile vâki
Değil bâğında ser râfi çü ar'ar Ya Rasulallah
Cihanın bezmine bâliğ değil dil cümleden fâriğ
Ne câm-ı bâde-i sâbiğ ne sâğar Ya Rasulallah
Amim-i himmetin ma'ruf usât ahvâline ma'tuf
Himayende olur melhûf muzaffer Ya Rasulallah
Cemâlin eylese işrâk olur dil cânibi berrâk
Olurdu hem-ser-i nüh-tâk bu ahkar Ya Rasulallah
--son --